Fólkatalið vaks við 439 seinasta árið, og 1. mars búðu 54.591 fólk í Føroyum. Tað svarar til ein vøkstur á 0,8%, sum er minni enn í undanfarna tíðarskeiði.

Uppgerðin fyri 4. ársfjórðing 2023 vísir m.a., at sølan av fríðkanarvørum hækkaði 10% samanborið við árið fyri. Tá prísvøkstur er drigin frá, er mongdin av seldum fríðkanarvørum hækkað 3%.

Samlaði útflutningurin í 12-mánaðarskeiðnum frá februar 2023 til januar 2024 var 12,6 milliardir krónur. Tað eru 30 milliónir krónur minni enn undanfarna skeið.

Fólkatalið vaks við 450 persónum seinasta árið, og 1. februar búðu 54.569 fólk í Føroyum. Tað svarar til ein vøkstur á 0,8%, sum er minni enn í undanfarna tíðarskeiði.

Arbeiðsloysið var eitt prosent í januar. Tað er á leið tað sama sum fyri ári síðani, tá tað var 0,9 prosent.

Samlaði vøruinnflutningurin var 11,8 milliardir krónur í 2023, hetta er 3,3% lægri enn í 2022.

Í fjórða hvørjum húski býr bara eitt fólk.

Januar er vanliga tann mánaðurin í árinum, ið hevur fæstar løntakarar, meðan desembermánaður vanliga hevur flestar. Munurin í løntakaratalinum hesar báðar mánaðirnar er tí sum oftast stórur. Í desember vóru fleiri enn 28.500 løntakarar og í januar var talið 27.664.

Treystitalið, sum gevur ábending um, hvussu vinna og húsarhald meta búskaparstøðuna vera, minkar. Tað er serliga í handils- og tænastuvinnunum at minni bjartskygni er at hóma. Byggivinnan hevur hinvegin framvegis góðar vónir. Støðan og metingar hjá húsarhaldunum eru óbroyttar.

Føroysku gistingarhúsini høvdu knapt 222.000 fólkanætur í fjør. Tað er 4 prosent minni enn í 2022, ið var metár. Góður helmingur av kømrunum á gistingarhúsunum vóru brúkt í fjør. Tað er á leið tað sama sum árið fyri.

Ein stórur partur av fólkinum í Føroyum hevur tilknýti til føroyska arbeiðsmarknaðin. Vinnutíttleikin millum tey 15 til 74 ára gomlu er 84 prosent, og tað er framvegis hægst í Evropa. Serliga er vinnutíttleikin stórur millum føroysku kvinnurnar. Vinnutíttleikin hjá kvinnunum er hægri í øllum aldursbólkum samanborið við onnur lond.

Fyrstu ellivu mánaðirnar í 2023 hava vit útflutt fiskavørur fyri 10,9 milliardir krónur. Tað eru 489 milliónir krónur meira enn sama tíðarskeið í 2022.

Fólkatalið vaks við 478 persónum seinasta árið, og 1. desember búðu 54.547 fólk í Føroyum. Tað svarar til ein vøkstur á 0,9%, sum er minni enn í undanfarna tíðarskeiði.

Uppgerðin fyri 3. ársfjórðing 2023 er fyrsta uppgerð í dagførdum líki og vísir m.a., at mongdin av seldum mati, klæðum og fríðkanarvørum lækkaði 3. ársfjórðing 2023 samanborið við árið fyri.

Fyrstu tíggju mánaðirnar í ár varð innflutt fyri 10,1 milliard krónur. Hetta er 4 prosent minni enn sama tíðarskeið í fjør.

Útlendskir ríkisborgarar eiga meginpartin av vøkstrinum.

Arbeiðsloysið hevur verið undir eitt prosent síðani apríl í fjør.

Fyrstu níggju mánaðirnar í ár hava vit útflutt fiskavørur fyri 8,9 milliardir krónur. Tað eru 556 milliónir krónur meira enn sama tíðarskeið í 2022.

Fólkatalið vaks við 554 persónum seinasta árið, og 1. oktober búðu 54.522 fólk í Føroyum. Tað svarar til ein vøkstur á 1%, sum er nakað minni enn í undanfarna tíðarskeiði.

Fyrstu átta mánaðirnar í ár hava vit útflutt fiskavørur fyri 7,8 milliardir krónur. Tað eru 491 milliónir krónur meira enn sama tíðarskeið í 2022.

Skattatrýstið í Føroyum var 40,6 prosent í 2022. Skattainntøkurnar hjá tí almenna øktust í 2022 samanborið við undanfarin ár, men bruttotjóðarúrtøkan er økt lutfalsliga meira enn skattainntøkurnar, og tí er skattatrýstið minkað.

Prísvøksturin heldur fram, men prísirnir hækka ikki við somu ferð, sum teir hava gjørt. Tað eru framvegis matvøruprísir umframt hækkandi rentur og streymprísur, sum eru størsta orsøkin til prísvøksturin seinasta árið. Brúkaraprístalið er vaksið 3,7 prosent.

Uppgerðin av rakstrarviðskiftum gjaldsjavnans fyri 2022 vísir eina lítla minking í rakstraravlopinum í mun til 2021

Føroyski búskapurin er komin væl fyri seg eftir afturgongdina, sum stóðst av koronufarsóttini í 2020. Bruttotjóðarúrtøkan í føstum prísum vaks 5,4 prosent í 2022 og 5,8 prosent í 2021. Vøksturin er størri enn í flestu londum, vit vanliga sammeta okkum við.

Hagstovan framleiðir hagtøl, sum taka pulsin á føroyska samfelagnum.

Fyrstu 7 mánaðirnar í ár varð innflutt fyri 6,9 milliardir krónur.

Hóast Maria og Jákup hava verið vanligastu nøvn í mong ár, eru fólkanøvnini broytt seinastu árini. Lív og Hanna eru nú millum mest vanligu nøvnini á kvinnum, meðan Jónas er nýggjasta navnið millum mest vanligu nøvnini á monnum.

Skeivleikar eru staðfestir í gistingarhagtølunum og hagtølini eru tí tikin aftur til skeivleikarnir eru rættaðir.

Inntøkubýtið í Føroyum er nærum óbroytt. Í 2021 var gini-talið 21,0 í mun til 21,1 árið fyri, og fimtingslutfallið stendur í stað.

Fleiri gistingar vóru á gistingarhúsunum í juli í ár enn í fjør. Undanfarin ár hava flestu gistingarnar verið í julimánaði. Soleiðis er ikki í ár, tí fyri fyrstu ferð hava fleiri gistingar og innskrivingar verið í juni enn í juli, tá nærum øll kømur vóru upptikin.

Fyrstu 6 mánaðirnar í ár varð innflutt fyri 5,9 milliardir krónur.

Danmark, Føroyar og Noreg hava flest heilsustarvsfólk á sjúkrahúsum tald í ársverkum borið saman við tey 20 londini í Evropa, sum hava upplýsingar tøkar um starvsfólk á sjúkrahúsum.

Útflutningurin av fiskavørum hækkaði 1,5 milliardir krónur 12-mánaðarskeiðið frá juni 2022 til mai 2023 samanborið við undanfarna skeið.

Fólkatalið vaks við 591 persónum seinasta árið, og 1. juni búðu 54.503 fólk í Føroyum. Tað svarar til ein vøkstur á 1,1%, sum er nakað minni enn í undanfarna tíðarskeiði.

Konjunkturbarometrið fellur og er munandi lægri sammett við seinastu kanningarnar undan hesari. Tað er ymiskt, hvønn veg gongdin vendir viðvíkjandi metingum um støðu og útlit hjá vinnuni og húsarhaldunum. Tað er serliga í tilfeingis- og ídnaðarvinnuni umframt handilsvinnuni, at minni bjartskygni er at hóma. Støðan hjá húsarhaldunum er mest sum óbroytt.

Gistinæturnar vóru slakar 26.500 í mai, sum eru færri í mun til sama mánað í fjør.

Innflutningurin uttan skip og flogfør 12-mánaðarskeiðið frá mai 2022 til apríl 2023 var 11,2 milliardir krónur. Tað eru 1,5 milliardir krónur meira enn undanfarna skeið.

Fólkatalið vaks við 572 persónum seinasta árið, og 1. mai búðu 54.431 fólk í Føroyum. Tað svarar til ein vøkstur á 1,1%, sum er nakað minni enn í undanfarna tíðarskeiðið.

Hvussu stórur er vøksturin í føroysku ferðavinnuni samanborin við ferðavinnuna í grannalondunum? Hvussu stór er ferðavinnan í ymsu økjunum í landinum?

Útflutningurin av fiskavørum hækkaði 1,8 milliardir krónur 12-mánaðarskeiðið frá apríl 2022 til mars 2023 samanborið við undanfarna skeið.

Føðitíttleikin í Føroyum hevur frá fyrst í hesi øldini verið um 2,5 barn í miðal fyri hvørja kvinnu í burðarførum aldri. Men hetta er broytt síðstu fýra árini, har føðitíttleikin er minkaður munandi, niður í 2,4 børn í 2019, 2,3 bæði í 2020 og 2021, og í fjør niður í 2,05 barn. Tað er eitt stórt fall eftir so fáum árum.

Stórar broytingar eru hendar í ferðsluni síðani aldarskiftið, har talið av akførum er økt til meir enn tað dupulta, og ferðsluóhappini samstundis eru fækkað niður móti einum triðingi.

Revsilógarmálini fækkaðu meir enn eina helvt úr knapt 1.100 í 2007 niður í 532 í 2020. Men nú hevur verið ein vøkstur seinastu tvey árini upp í 634 í fjør. Eitt øki skilir seg burturúr, tað er fráboðanir um siðamisbrot, har tað hevur verið ein sera stórur vøkstur síðstu fimm árini. Hetta vísa yvirlit um virksemið hjá løgregluni.

Síðstu 10 árini hevur verið ein alstórur vøkstur í talinum av uppihalds- og arbeiðsloyvum til útlendingar í Føroyum, og heldur enn at støðga var vøksturin í 2022 tann størsti nakrantíð.

Fólkatalið vaks við 608 persónum seinasta árið, og 1. mars búðu 54.303 fólk í Føroyum. Tað svarar til ein vøkstur á 1,1%, sum er nakað minni enn í undanfarna tíðarskeiði.

Útflutningurin av fiskavørum hækkaði 2,1 milliard krónur 12-mánaðarskeiðið frá mars 2022 til februar 2023 samanborið við undanfarna skeið.

Í fjør var ein stórur triðingur av sethúsasølunum í smærri bygdum, júst ein triðingur í størri bygdum og býum og ein lítil triðingur í høvuðsstaðnum. Men miðalprísurin í høvuðsstaðnum var umleið tann dupulti av prísunum á bygd.

Arbeiðsloysið er lægst í Eysturoy og Vágum.

Útflutningurin av fiskavørum hækkaði 2,1 milliard krónur 12-mánaðarskeiðið frá februar 2022 til januar 2023 samanborið við undanfarna skeið.

Fólkatalið vaks við 634 persónum seinasta árið, og 1. februar búðu 54.273 fólk í Føroyum. Tað svarar til ein vøkstur á 1,2%, sum er eitt vet minni enn í undanfarna tíðarskeiði.

Høvuðstølini í tjóðarroknskapinum eru á fyrsta sinni gjørd upp í føstum prísum. Tað ber sostatt til at máta realvøksturin í føroyska búskapinum og sammeta hann við gongdina í búskapin í øðrum londum frá 2009 fram til 2021.

Arbeiðsloysið er hægst millum tey 25 til 34 ára gomlu og lægst millum tey 45 til 54 ára gomlu.

Samlaði vøruinnflutningurin var 12,1 milliard krónur í 2022, hetta er 31% hægri enn í 2021.

Konjunkturbarometrið fellur, tí treystið er minni í mun til seinastu tvær kanningarnar undan hesari. Tað er ymiskt, hvønn veg gongdin vendir viðvíkjandi metingum um støðu og útlit hjá ymsu vinnubólkunum. Tað er serliga í tænastuvinnunum umframt tilfeingis- og ídnaðarvinnunum, at bjartskygnið minkar. Húsarhaldini vænta sær tó meira av framtíðini.

Vinnutíttleikin er serstakliga stórur í Føroyum samanborið við onnur lond. Ein tann størsti munurin millum Føroyar og hini londini er, at bæði tey ungu, tey eldru og kvinnurnar í Føroyum eru meira vinnuliga virkin enn aðrastaðni.

Brúkaraprístalið er vaksið 10,1% seinasta árið. Prísirnir á flestu vøru- og tænastubólkum eru hækkaðir, men tað eru framvegis prísirnir á matvørum og brennievni til at hita býli, ið eru størsta orsøkin til prísvøksturin.

Tíðarskeiðið januar til november 2022 hava vit útflutt fiskavørur fyri 10,4 milliardir krónur.

Størsti vøkstur er innan fiskivinnu og aðra tilfeingisvinnur.

Prísvøksturin seinasta árið hevur ávirkað smásøluna í Føroyum. 3. ársfjórðing 2021 til 3. ársfjórðing í fjør minkaði selda mongdin fyri vørubólkin ‘matur og alkoholfríar drykkjuvørur’ 9%. Fyri ávikavist ‘húsbúnað og húsarhaldsútgerð’ og ‘klædnavørur og fótbúnað’ minkaði selda mongdin 13 og 15%.

Bæði hjá monnum og kvinnum er arbeiðsloysið 0,7%. Í Vágum og í Eysturoynni er arbeiðsloysið 0,4%.

Tíðarskeiðið januar til oktober 2022 hava vit útflutt fiskavørur fyri 9,3 milliardir krónur.

Í oktober vóru slakar 15.300 gistinætur á føroysku gistingarhúsunum. Tað eru færri enn tað var sama mánað í fjør.

Í viku 47 frá 21. til 25. november verður árliga arbeiðsfjøldarkanningin fyri 2022 gjørd.

Tíðarskeiðið januar til september 2022 hava vit útflutt fiskavørur fyri 8,3 milliardir krónur.

Løntakararnir gerast fleiri og í oktober vóru stívliga 27.900 í løntakaraskaranum. Tað eru slakir 500 fleiri enn sama mánað í fjør. Vøksturin er 1,7%.

Almennu útreiðslurnar vóru 11,7 milliardir krónur í 2021. Uppgerðin av almennum útreiðslum er dagførd til og við 2021. Til ber at síggja, hvussu almenn fyrisiting og tænasta raðfestir útreiðslurnar til almannavernd, heilsu, útbúgving og onnur virkisøki. Í útgreiningini av útreiðslubýtinum sæst m.a., at slakar tvær milliardir av útreiðslunum fóru til 'aldurdóm'.

Í august og september var arbeiðsloysið 0,5%, ið svarar til 150 fulltíðararbeiðsleys.

Brúkaraprístalið er vaksið 8,8 prosent seinasta árið. Tað er størsti árligi vøkstur í brúkaraprístalinum síðani fyrst í áttatiárunum. Í 1982 var prísvøksturin 10,6 prosent. Sostatt er talan um størsta árliga prísvøkstur í 40 ár. Prísirnir á matvørum eru vaksnir stívliga 10 prosent seinasta árið.

Fyrstu 8 mánaðirnar í ár varð innflutt fyri 8,3 milliardir krónur. Ongantíð fyrr er meira innflutt enn í ár.

Nýggju roknskaparhagtølini vísa millum annað, at føroysk feløg sum heild hava megnað at komið uppundan aftur, eftir at korona í 2020 legði summar vinnugreinar lamnar. Harafturat vísa nýggju tølini, at vinnugreinin ‘Aling’ hevði eitt betri úrslit í 2021 enn 2020, men úrslitið var einans stívlig helvt av úrslitinum í 2019. Av framleiðsluvinnugreinunum eru úrslitini í ‘Matvøruframleiðslu’ hækkað við 158 mió. kr., meðan úrslitið í 'Byggivinnuni' minkaði niður í eina helvt frá 235 mió. kr. í 2020 til 106 mió. kr. í 2021.

Kommunurnar eru meira skuldabundnar nú, enn tær hava verið seinastu árini. Útreiðslur til rakstur og íløgur eru hægri enn inntøkurnar frá skattum og avgjøldum. Tað er ymiskt, hvussu fíggjarstøðan hjá kommununum er.

Síðani 2013 eru gistinæturnar meira enn tvífaldaðar á føroysku gistingarhúsunum summarmánaðirnar juni, juli og august, tá farið var undir at skráseta gistingar. Í ár vóru knapt 97.000 persónsgistinætur hesar mánaðirnar í mun til 44.000 í 2013.

Seinastu 20 árini er heilivágssølan hjá apoteksverkinum vaksin úr 118 milliónum krónum upp í 292 milliónir krónur. Størsti vøksturin er í søluni til alivinnuna, sum fyri 20 árum síðani lá um 20 milliónir krónur um árið, men í 2021 var hon 111 milliónir krónur. Sølan til alivinnuna er 38% av heilivágssøluni hjá apoteksverkinum.

Fyrstu sjey mánaðirnar í ár varð innflutt fyri 6,9 milliardir krónur, sum eru 1,9 milliardir meira enn sama tíðarskeið í fjør.

Knappliga 27.600 vóru í løntakaraskaranum í august, sum eru stívliga 260 fleiri enn sama mánað í fjør. Vøksturin er 1,0%.

Í 2021 vórðu 32 fosturtøkur framdar í Føroyum. Hetta er nakað hægri enn seinastu 8 árini, har miðaltalið hevur verið um 25 árliga. Nú er tað á leið tað sama sum fyri eini 10 árum síðani. Tað er tó framvegis nógv lægri enn øll árini frá 1980-unum og fram til 2004. Og framvegis nógv lægst í Norðurlondum.

Tó eru fólkanøvnini nógv broytt seinastu 20 árini

Fyrra hálvár í ár varð innflutt fyri 5,8 milliardir krónur, sum eru 1,5 milliardir meira enn fyrra hálvár í fjør.

Fólkatalið var 54.072 tann 1. juli í ár. Tað vaks við 698 fólkum ella 1,3% seinasta árið. Vøksturin er minni enn í undanfarna tíðarskeiði, tá hann var 1,5%. Vøksturin kemur av burðaravlopi á 163 og nettoflyting á 535.

Knappar 950 milliónir krónur vóru útgoldnar í lønum í juni. Tað eru slakar 80 milliónir meira enn sama mánað í fjør. Vøksturin er góð 9%.

Útflutningurin vaks 3 milliardir krónur 12-mánaðarskeiðið frá juni 2021 til mai 2022 samanborið við undanfarna skeið.

Fólkatalið heldur fram við at vaksa, og 1. juni búðu fyri fyrstu ferð 54.000 fólk í Føroyum. Síðani 1. juni í fjør er fólkatalið vaksið við 1,3%. Lutfalsligi vøksturin er lægri enn í undanfarnu tíðarskeiðum, og tað kemur serliga av eini minking í burðaravlopinum.

Treystitalið er á júst sama stigi sum í undanfarnu kanning, sum var beint undan russisku innrásina í Ukraina. Húsarhaldini eru meira stúrin um útlitini enn áður, eins og handilsvinnan og byggivinnan eru ikki eins bjartskygd. Vinnubólkarnir "Tilfeingisvinnan og annar ídnaður" og "Tænastuvinnan", sum hava størst ávirkan á treystitalið, eru hinvegin meira bjartskygdir.

Sølan av 'mati og alkoholiskum drykkivørum' og 'húsbúnaði og húsarhaldsútgerð' frá 4. ársfjórðingi í 2021 til 1. ársfjórðing í 2022 minkaði meira enn sama tíðarskeið undanfarin ár. Sølan av 'klæðum og fótbúnaði' minkaði ikki eins nógv sum undanfarin ár.

Útflutningurin vaks 2,6 milliardir krónur 12-mánaðarskeiðið frá mai 2021 til apríl 2022 samanborið við undanfarna skeið.

Tann 1. mai í ár var fólkatalið 53.941 og vaks sostatt við 687 fólkum seinasta árið. Tað svarar til ein vøkstur á 1,3%. Vøksturin er minni enn í undanfarna tíðarskeiði, tá hann var 1,6%. Serliga er tað íkastið frá burðaravlopinum, sum er minkað.

Í 2020 var parturin av fólki í fátækaváða á næstan sama stigi sum 2019 — 7,6%.

Í fjør komu fýra bløð út um vikuna í tilsamans 11.500 eintøkum.

Knappliga 27.800 vóru í løntakaraskaranum í apríl. Tað eru næstan 500 fleiri enn í apríl í fjør og svarar til ein vøkstur upp á 1,8%.

Roknað frá lívsbyrjan er livialdurin í Føroyum hjá konufólki í uppgerðarárinum 2020/21 í miðal 85,7 ár og hjá mannfólki 81,4 ár. Bæði hjá kvinnum og monnum er livialdurin longdur munandi tey síðstu nógvu árini.

Innflutningurin í 12-mánaðarskeiðnum frá apríl 2021 til mars 2022 var 10 milliardir krónur. Tað er meir enn 1,8 milliardir krónur meira enn undanfarna skeið. Tað er met.

Í mars í 2022 vóru gistinæturnar 11.800 í tali á gistingarhúsunum. Tað er ein vøkstur upp á 23% í mun til sama mánað í fjør. Góð 39% av kømrunum á gistingarhúsunum vórðu brúkt í mars, samanborið við 29% í fjør.

Seinasta árið hevur ferðin í lønargjaldingunum verið avtakandi. Nú er vøksturin steðgaður upp.

Mjólkarframleiðslan vaks 10% síðstu tíggju árini – men garðarnir við mjólkkúm, ið vóru 28 í 2012, vóru 16 í 2021. Hesi tíggju árini var eisini framleitt eitt sindur meira av neytakjøti.

Sølan av klæðum og fótbúnaði vaks 29% frá 3. til 4. ársfjórðing 2021. Hóast sølan eins og vanligt hækkar frá 3. til 4. ársfjórðing, so vísir uppgerðin av smásølu fyri 4. ársfjórðing 2021 m.a., at sølan innan allar vørubólkarnar er lækkað frá 4. ársfjórðingi 2020 til 4. ársfjórðing 2021.

Februar er vanliga ein av laku mánaðunum hjá gistingarhúsunum við fáum vitjanum. Í februar 2022 vóru gistinæturnar um 9.000 í tali. Tað er ein vøkstur upp á 21% í mun til sama mánað í fjør. Góð 31% av kømrunum á gistingarhúsunum vórðu brúkt í februar, samanborið við 24% í fjør.

Útflutningurin av fiskavørum vaks tvær milliardir krónur seinasta 12-mánaðarskeið (frá februar 2021 til januar 2022) samanborið við undanfarna skeið.

Í februar vórðu um 900 milliónir útgoldnar í lønum. Tað eru slakar 15 milliónir meira enn sama mánað í fjør. Tað svarar til ein vøkstur upp á 2,7%.

Fólkatalið er vaksið við 784 ella 1,5% seinasta árið. Tað er sami lutfalsligi vøkstur sum fleiri undanfarin tíðarskeið. Um gongdin heldur fram, verða vit 54.000 fólk um fáar mánaðar.

Bruttotjóðarúrtøkan í marknaðarprísum var 21,2 milliardir krónur í 2020. Koronufarsóttin ávirkaði føroyska búskapin í 2020, sum millum annað sæst aftur í, at bruttotjóðarúrtøkan var slakar 600 millónir krónur ella 2,8 prosent minni enn í 2019.

Januar er vanliga tann mánaðurin í árinum við fæst vitjanum á gistingarhúsunum. Í januar 2022 vóru gistinæturnar góðar 6.900 í tali. Innskrivingarnar vóru stívliga 3.600. Bæði seta met fyri januarmánað.

Útflutningurin av fiskavørum vaks 1,5 milliardir krónur í 2021 í mun til 2020. Hetta er ein 20% vøkstur í útflutningsvirðinum. Útflutta nøgdin vaks 3%. Sostatt er útflutningurin methøgur.

Januar er vanliga tann mánaðurin í árinum við fæst løntakarum, meðan desembermánaður vanliga hevur flest løntakarar. Munurin í løntakaratalinum hesar báðar mánaðirnar er tí stórur og soleiðis er eisini hesa ferð. Í desember í fjør vóru fleiri enn 28.000 løntakarar og í januar í ár vóru 26.800 í løntakaraskaranum.

Á Hagstovuni byggja vit skipanir, so hagtølini um føroyska samfelagið kunnu framleiðast so smidliga sum til ber. Saman við tær verða vit seks fólk í KT-toyminum.

Konjunkturbarometrið vísti lutfalsliga stórt fall beint sum korona rakti fyri tveimum árum síðan, men er síðan á sumri í 2020 aftur hækkað og er nú á sama stigi, sum undan korona fór at gera um seg. Nýggjasta kanningin vísir, at hesaferð eru tað serliga ávísarnir fyri privatar tænastuvinnur og byggivinnuna, ið hækka mest, meðan ávísin fyri húsarhald lækkar eitt vet.

Talið av gistináttum á føroysku gistingarhúsunum var knappliga 175.000 í 2021. Innskrivingarnar vóru góðar 72.000 í tali. Hetta er tað hægsta, síðan Hagstova Føroya fór undir at skráseta gistingar í 2013. Harvið gjørdist 2021 eitt metár hjá gistingarhúsunum.

Nýggjasta uppgerðin av brúkaraprístalinum fyri fjórða ársfjórðing í fjør vísir, at í miðal eru prísirnir øktir 0,7 prosent í mun til triðja ársfjórðing í fjør. Samanborið við sama ársfjórðing í 2020 er vøksturin 3,4 prosent. Í Føroyum eins og aðrastaðni í heiminum er talan um størstu árligu broytingina í brúkaraprístalinum síðan alheims fíggjarkreppuna fyri umleið 14 árum síðan.

Fyrstu 11 mánaðirnar í fjør varð innflutt fyri 8,4 milliardir krónur.

Í desember eru vanliga flest løntakarar. 2021 var einki undantak, tað vóru góð 28.050 í løntakaraskaranum í desember. Tað er met og eisini fyrstu ferð, at løntakaratalið er farið upp um 28.000 ein einstakan mánað.

Í november 2021 vóru gistinæturnar knappliga 10.400 í tali, sum er met fyri einstakan novembermánað. Gistinæturnar vuksu 23% samanborið við sama mánað í 2020 og vóru eitt vet hægri (4%) enn í 2019.

Í Føroyum búgva í miðal 2,85 fólk í hvørjum húski og í Danmark 2,1 fólk. Húskini í ymsu økjunum í Føroyum líkjast hinvegin rættiliga nógv, tó við onkrum undantøkum.

Fyrstu 10 mánaðirnar í ár hava vit útflutt fiskavørur fyri 11,4% meir enn somu mánaðir í fjør.

Í november vórðu góðar 910 milliónir útgoldnar í lønum. Tað eru næstan 50 milliónir meira í mun til sama mánað í fjør.

Fólkatalið er vaksið við 810 samanborið við somu tíð í fjør. Tað er ein vøkstur uppá 1,5%. Meira enn helvtin av vøkstrinum er í Streymoynni.

Eins og í september, vóru næstan tvífalt so nógvar gistingar í oktober í mun til í fjør. Í oktober vóru gistinæturnar stívliga 16.400 í tali, sum er met fyri einstakan oktobermánað. Gistinæturnar vuksu 88% samanborið við sama mánað í fjør ella 22% í mun til 2019.

Fyrstu 9 mánaðirnar í ár varð innflutt fyri 6,5 milliardir krónur. Ongantíð fyrr er meira innfutt enn í ár.

Nýggjasta inntøkuuppgerðin vísir, at tað vóru lutfalsliga nógv færri undir fátækaváðamarkinum í 2019 í mun til undanfarin ár. Uppgerðin vísir, at inntøkubýtið millum føroyingar eisini er vorðið javnari.

Í 2020 vóru nærum 1.100 ársverk í sjúkrahúsverkinum. Tað eru góð 100 fleiri enn tíggju ár frammanundan. Ársverkini hjá læknum vóru 32 fleiri, svarandi til ein vøkstur á 37%. Ársverkini hjá sjúkrarøktarfrøðingum vóru 59 fleiri, ið er ein vøkstur upp á 17%.

Fyrstu 8 mánaðirnar í ár hava vit útflutt fiskavørur fyri 7% meir enn somu mánaðir í fjør.

Nýggjasta uppgerðin av brúkaraprístalinum fyri triðja ársfjórðing vísir, at í miðal eru prísirnir tætt við teir somu sum annan ársfjórðing í ár og 3,1 prosent hægri í mun til sama ársfjórðing í fjør. Prísvøkstur á brennievni til upphiting av býlum og til flutning er høvuðsorsøkin til samlaðu broytingina í prístalinum.

1. september búðu 53.498 fólk í Føroyum. Tað eru 854 fleiri enn somu tíð í fjør, og tað er ein vøkstur á 1,6%.

Í ár er næmingatalið í fólkaskúlanum 7.300. Fyri fimtan árum síðani var tað útvið 7.600. Størsta minkingin er í framhaldsskúlunum. Í barnaskúlanum er talið eisini minkað munandi. Í sama tíðarskeiði var stórur vøkstur í forskúlaflokkum og serflokkum.

Á Hagstovuni byggja vit skipanir, so hagtølini um føroyska samfelagið kunnu framleiðast so smidliga sum til ber. Vit hava júst sett ein mennara og nú søkja vit eftir einum afturat. Saman við tær verða vit seks fólk í KT-toyminum.

Fyrstu 7 mánaðirnar í ár hava vit útflutt fiskavørur fyri 5% meir enn somu mánaðir í fjør.

Tað vóru 27.300 í løntakaraskaranum í august. Tað eru um 800 fleiri enn í august í fjør.

Talið av viðtalum hjá kommunulækna í 2020 var stívliga 185-túsund. Tað er gott 11% fleiri enn árið fyri. Av hesum vóru umleið 25-túsund avgreiddar umvegis telefon orsakað av Covid-19 smittuvanda. Knappliga 4-túsund ella 2% av viðtalunum vóru viðtalur hjá fólki við bústaði uttanlands.

Í juni var arbeiðsloysið 1,2%, ið svarar til 347 fulltíðararbeiðsleys.

Fyrra hálvár í ár hava vit útflutt fiskavørur fyri 3,9 milliardir krónur. Tað er tað sama sum í fjør.

1. juli búðu 53.399 fólk í Føroyum. Seinasta árið løgdust 796 fólk afturat, sum er ein vøkstur á 1,5% samanborið við 1. juli í fjør. 

Tað vóru 642 búpláss í teim átta kommunalu samstarvsøkjunum í oktober í 2020, einans 4 fleiri enn í 2015. Talið av búfólkum er heldur ikki broytt hesi árini: tey vóru 621 í 2015 og 620 í 2020.

Innflutningurin í 12-mánaðarskeiðnum frá juni í 2020 til mai í 2021 var 8,3 milliardir krónur. Tað er áleið tað saman sum undanfarna skeið ella ein vøkstur á 1%.

Fyrra hálvár í ár vóru knappar 5,2 milliardir krónur útgoldnar í lønum. Tað eru góðar 140 milliónir ella 2,8% meira enn fyrra hálvár í fjør. Samanborið við fyrra hálvár fyri tveimum árum síðani er vøksturin 5,4%.

1. juni í ár búðu 53.358 fólk í Føroyum. Síðan 1. juni í fjør er fólkatalið vaksið við 834 fólkum svarandi til 1,6%.

Vanligt er, at sølan 1. ársfjórðing er slakari enn 4. ársfjórðing, tá jólasølan ger seg galdandi. Nýggjastu tølini vísa, at sølan 1. ársfjórðing í ár er væl størri í mun til 1. ársfjórðing í fjør.

Útflutningurin av fiskavørum minkaði 1,1 mia. kr. 12-mánaðarskeiðið (mai 20 - apr. 21) samanborið við undanfarna skeið.

Gongdin í fólkatalinum heldur fram og 1. mai í ár búðu 53.305 fólk í Føroyum. Samanborið við somu tíð í fjør er hetta ein vøkstur á 863 fólk ella 1,6%.

Vilt tú vera við til at menna og leiða Føroya mest fjølbroytta dátuhús?

Innflutningurin í 12-mánaðarskeiðnum (apr. 20 - mar. 21) var 8,1 mia. kr. Tað er meir enn hálva mia. kr. minni enn undanfarna skeið. Telja vit ikki skip og brennievni við, er innflutningurin minkaður 88 mió. kr. ella 1,1%.

Rakstrarhagtølini fyri fyritøkur eru dagførd fyri árini 2018 og 2019. Roknskapartølini vísa, at hóast eina afturgongd í úrslitinum frá 2017 til 2018 á 14%, so hækkaði úrslitið við 15% í 2019 frá 2,38 milliardum krónum í 2018 til 2,75 milliardir krónir í 2019. Hetta er tó eitt vet lægri enn samlaða úrslitið fyri allar vinnur í 2017, tá úrslitið lá um 2,77 milliardir krónur.

Løntakaraskarin var 27.300 í apríl. Tað eru knappir 2.000 fleiri løntakarar enn í apríl í fjør, sum var fyrsti heili mánaður, eftir at landið fór niður í ferð.

Uppgerðin av ogn og skuld uttanlands er gjørd upp til og við 2019, og dagførdu tølini vísa millum annað, at føroyska nettoognin í útlandinum seinastu fýra árini er á hædd við nettoognina innan fíggjarkreppuna fyri umleið tíggju árum síðan.

Eftir stóra vøksturin í talinum av uppihalds- og arbeiðsloyvum til útlendingar í Føroyum tey seinastu árini, støðgaði vøksturin upp í 2020, og talið av loyvum var tað sama sum í 2019.

Í februar var arbeiðsloysið 1,6%, ið svarar til 470 fulltíðararbeiðsleys.

Tað var um hálvan mars í fjør, at Føroyar fóru niður í ferð. Í mun til hendan mánaðin í fjør vaks gistitalið við 110%. Hinvegin minkaðu gistingarnar 3,7% samanborið við mars í 2019.

Hesi síðstu tvey áratíggjuni eru færri fongslað og varðhaldsfongslað, men talið av fongsulsdøgum er ikki minkað samsvarandi. Brotini á rúsevnislóg og vápnalóg eru blivin fleiri.

Útflutningurin av fiskavørum minkaði 1,4 mia. kr. 12-mánaðarskeiðið (mar. 20 - feb. 21) samanborið við undanfarna skeið.

Brúkaraprísirnir fyrsta ársfjórðing vísa, at í miðal eru prísirnir øktir bæði í mun til fjórða og sama ársfjórðing í fjør. Í mun til fjórða ársfjórðing í fjør er brúkaraprístalið økt 1,3 prosent, og í mun til sama ársfjórðing í fjør eru brúkaraprísirnir í miðal øktir 1,1 prosent.

Løntakaraskarin var 27.400 í mars, sum eru 520 fleiri løntakarar í mun til mars í fjør. Tað svarar til ein vøkstur á 1,9%. 

Í fjør vórðu um 13.200 rættindaskjøl av ymiskum slagi tinglýst. Hetta er 3% fleiri enn árið fyri. Í fastognarskjølum, ið eru nógv tey flestu, var vøksturin 9%, meðan tað var ein minking í tinglýsingini viðv. akførum o.ø. leysafæ við 14%.

Hóast vøkstur í gistináttum, vórðu lutfalsliga færri kømur brúkt samanborið við februar í fjør.

Innflutningurin í 12-mánaðarskeiðnum (feb. 20 - jan. 21) var 8 mia. kr. Tað er 400 mió. kr. minni enn undanfarna skeið.

Løntakaraskarin var 26.800 í februar, sum er á leið tað sama sum februar í 2020.

Í 2020 vórðu 28 fosturtøkur framdar í Føroyum. Hetta er sama lága støðið, sum hevur verið seinastu 5 árini, har miðaltalið er 24. Tá talið var størst seinnu helvt av 1980-unum, var tað um 80-85 fosturtøkur um árið og er sostatt umleið ein triðingur av tí, sum var fyri góðum tríati árum síðani.

Í desember var arbeiðsloysið 1,3%, ið svarar til 400 fulltíðararbeiðsleys.

Januarmánaður hildnaðist munandi betur enn sama mánað í fjør

Samlaði innflutningurin í 2020 er áleið tann sami sum í 2019, og 5% størri enn í 2018. Síðan 2014 er innflutningurin vaksin millum 2 og 10% um árið, men nú er vøksturin steðgaður.

Tann 1. janurar í ár var fólkatalið 52.967. Tað er vaksið við 848 fólkum ella 1,6% í mun til somu tíð í fjør. Av kommununum var størsti vøksturin í Tórshavnar, Klaksvíkar, Runavíkar, Eystur, Nes, Vágs og Tvøroyrar kommunum. Merkisvert er lutfalsliga stóri fólkavøksturin í Sandoy og nú eisini í Suðuroy. Hinvegin er vøksturin uppsteðgaður í Vágum.

Í november var arbeiðsloysið 1,4%, ið svarar til 405 fulltíðararbeiðsleys.

Samlaði innflutningurin fyrstu 11 mánaðirnar í 2020 er áleið tann sami sum árið fyri.

Brúkaraprístalið verður gjørt upp 4 ferðir árliga, og nú allar uppgerðirnar fyri 2020 eru tøkar, sæst, at brúkaraprístalið í 2020 í miðal var 121,4. Miðalbrúkaraprístalið í 2019 var 121,0, sum merkir, at prísirnir á vørum og tænastum til nýtslu hjá húsarhaldum í miðal eru øktir 0,3% í 2020 samanborið við 2019.

Í november gistu ferðafólkini 6.600 nætur á gistingarhúsunum.

Tað eru góðir 300 fleiri samanborið við desember í 2019

Triðja ársfjórðing í 2020 vaks umsetningurin fyri ‘matvørur og alkoholfríar drykkjuvørur’ og ‘húsbúnað og húsarhaldsútgerð’ umleið 15% samanborið við sama ársfjórðing í 2019. Umsetningurin fyri ‘klædnavørur og fótbúnað’ vaks 6%.

Í november vórðu góðar 860 milliónir útgoldnar í lønum. Tað eru 5 milliónir færri í mun til sama mánað í fjør.

Innflutningurin minkaði 145 mió. fyrstu 10 mánaðirnar í ár samanborið við í fjør.

Í september var arbeiðsloysið 1,4%, sum er nakað minni enn undanfarnu mánaðirnar. Síðani koronufarsóttin rakti í mars hevur arbeiðsloysið verið uppi á 1,8%.

Í oktober gistu ferðafólkini 8.700 nætur á gistingarhúsum. Tað er 35% minni enn sama mánað í fjør. Tó er talið av gistináttum hjá føroyingum vaksið við góðum fjórðingi.

Innflutningurin minkaði eitt sindur fyrstu 9 mánaðirnar í ár samanborið við í fjør. Minkingin var 68 mió, ella 1%

Í oktober vóðru góðar 865 milliónir útgoldnar í lønum. Tað eru 23 milliónir færri í mun til sama mánað í fjør.

Tann 1. oktober í ár var fólkatalið 52.756. Tað er vaksið við 827 fólkum ella við 1,6% í mun til somu tíð í fjør. Av kommununum var størsti vøksturin í Tórshavnar, Runavíkar, Eystur, Klaksvíkar, Nes, Kvívíkar, Vága, Eiðis, Sjóvar og Vágs kommunum. Lutfalsliga var eisini stórur vøkstur í Skopunar og Sands kommunum.

Níggju teir fyrstu mánaðirnar í ár var talið av gistingarnáttum á gistingarhúsunum slakar 72-túsund, samanborið við góðar 138-túsund sama tíðarskeið í fjør. Tað er ein minking við sløkum 67-túsund ella 48%. Minkingin var ógvislig frá mars til juni, men tað hevur verið frægari síðani juli og er á áleið sama støði sum fyri 5-6 árum síðani.

Minni er útflutt av laksi og toski og meira av uppsjóvarfiski

Brúkaraprísirnir fyri triðja ársfjórðing vísa, at í miðal eru prísirnir øktir bæði í mun til annan ársfjórðing í ár og sama ársfjórðing í fjør. Í mun til annan ársfjórðing er brúkaraprístalið økt 0,3 prosent, og í mun til sama ársfjórðing í fjør eru brúkaraprísirnir í miðal øktir 0,2 prosent.

Tann 1. septembur í ár var fólkatalið 52.703. Tað er vaksið við 768 fólkum ella við 1,5% í mun til somu tíð í fjør.

Umsetningurin í virði og umsetningurin umroknað til mongdir fyri smásølu av trimum vørubólkum er gjørdur upp fyri annan ársfjórðing. Tølini eru býtt í vørubólkarnar matur og alkoholfríar drykkjuvørur, klædnavørur og fótbúnaður og húsbúnaður og húsarhaldsútgerð. Samanborið við sama ársfjórðing í fjør, var umsetningurin fyri matvørur og alkoholfríar drykkjuvørur og húsbúnað og húsarhaldsútgerð heili 14 prosent hægri, meðan umsetningurin fyri klædnavørur og fótbúnað var 7 prosent hægri.

Hvussu hevur gongdin verið í fólkatalinum í tíni bygd og kommunu seinastu 10 árini? Hvussu er fólkasamansetingin nú millum ung og gomul, mannfólk og konufólk? Nú kommunuvalið nærkast fer Hagstova Føroya komandi tíðina at seta sjóneykuna á kommunurnar.

Útflutningurin av fiskavørum minkaði næstan hálva mia. kr. fyrstu 7 mánaðirnar í ár samanborið við somu tíð í fjør. Hetta er ein minking á 10%

Tann 1. august í ár var fólkatalið 52.816. Tað eru 733 fleiri fólk enn 1. august í fjør. Fólkatalið vaks sosatt 1,4%.

Nógv nýggj nøvn eru ovast hjá teimum, ið vóru fødd í 2019, bæði hjá gentum og dreingjum.

Innflutta nøgdin av nýtsluspritti vaks 1.400% frá mars til juni í ár, sammett við sama tíðarskeið í fjør. Nøgdin av máling vaks 20% hesar mánaðirnar.

Knappar 875 milliónir vórðu útgoldnar í lønum í juli. Tað eru góðar 25 milliónir ella 3% meira enn sama mánað í fjør. Eins og fyri løntakararnar benda seinastu uppgerðirnar fyri lønargjaldingarnar á eina V-gongd við skjótari uppgongd í lønunum eftir fallið í apríl og mai, heldur enn eina U-gongd við longri aldudali við trekum vøkstri.

Tann 1. juli í ár var fólkatalið 52.656 og vaks sostatt við 813 fólkum í 12-mánaðar skeiðinum 1. juli 2019 – 1. juli 2020. Tað svarar til ein vøkstur á 1,6%. Samanbera vit fyrra hálvár 2020 við sama tíðarskeið í fjør, minkar tann stóri fólkavøksturin bert eitt lítið vet.

Innflutningurin fyri mai er nú uppgjørdur. Sostatt hava vit tøl fyri innflutningin teir tríggjar mánaðirnar mars - mai í ár, tá korona rakti føroyska samfelagið.

Góðar 840 milliónir vórðu útgoldnar í lønum í juni. Tað eru 13 milliónir ella 1,5% meira enn sama mánað í fjør.

Tann 1. juni í ár var fólkatalið 52.562 og vaks sostatt við 830 fólkum í 12-mánaðar skeiðinum 1. juni 2019 – 1. juni 2020. Tað svarar til ein vøkstur á 1,6%. Hetta kemur av einum burðaravlopið á 267, ið gevur ein triðing av fólkavøkstrinum, og eini nettotilflyting á 563, ið gevur tveir triðingar av fólkavøkstrinum. Nógv størsti vøksturin er í Tórshavnarøkinum.

Tølini frá konjunkturkanningini fyri juni eru nú tøk í hagtalsgrunninum. Tær fimm kanningarnar eru gjørdar um hálvan juni og eftir at koronu-farsóttin hevði herjað í góðar tríggjar mánaðir, og kunnu hesar kanningarnar sammetast við kanningar gjørdar stutt áðrenn koronu-farsóttin kom til landið. Hesaferð er treystitalið munandi lægri í mun til seinastu mongu kanningarnar. Onnur nýliga dagførd hagtøl vísa, í hvønn mun áleikandi altjóða heilsukreppan rakar føroyska samfelagið og búskapin, og júst gjørdu kanningarnar vísa, hvussu brúkarar og fyritøkur meta um fíggjarligu og búskaparligu støðuna og útlitini.

Samlaða talið av viðtalum í 2019 var stívliga 166-túsund, ið var gott 4% fleiri enn árið fyri. Av teimum 166-túsund viðtalunum vóru gott 4-túsund viðtalur hjá fólki, sum búgva uttanlands.

Í mai vóru góðir 25.700 í løntakaraskaranum. Tað er framvegis langt frá støðinum undan koronu. Hóast tað, eru løntakaratølini í mai nakað frægari enn í apríl.

- innflutningurin minkaði 23% samanborið við apríl í fjør.

Góðar 800 milliónir vórðu útgoldnar í lønum í mai. Tað eru knappar 25 milliónir minni enn sama mánað í fjør. Vøksturin, sum hevur verið í lønargjaldingunum seinnu árini, er steðgaður upp. Eins og í apríl sæst fallið serliga í privatu tænastuvinnunum.

Fimtingslutfallið og gini-talið standa í stað.

Tøl og hagtalsmát um inntøkuviðurskifti hjá føroyingum eru dagførd við 2018.

- Vøkstur á 9% samanborið við mars í fjør

Nú mars sum fyrsti mánaðurin við avmarkandi koronu-átøkunum er komin við í nýggjastu uppgerðina av fólkatalinum, sæst at flytingin millum Føroyar og útlond er minkað nakað. Serliga er fráflytingin minkað, so gloppið millum tilflyting og fráflyting er vaksið. T.v.s. at nettotilflytingin er økt nakað og góða gongdin í fólkatalinum heldur fram.

Brúkaraprístalið er gjørt upp fyri 1. ársfjórðing í ár, og vísa nýggjastu tølini, at brúkaraprísirnir seinasta árið í miðal eru hækkaðir1,1 prosent, ið er umleið sami árligi miðalvøksturin, sum hevur verið staðfestur seinastu 3 árini.

Stórar broytingar eru hendar í ferðsluni síðstu 20 árini, har ferðsluóhappini eru fækkað niður um eina helvt, fólkaskaðar í ferðsluni eru fækkaðar enn meir og somuleiðis talið av ákærdum fyri rúsdrekkakoyring.

Tølini fyri útflutningin til og við februar mánað eru nú gjørd upp. Tey vísa at 12-mánaðarskeiðið mars 19- februar 20 útfluttu vit fyri fyri 9,7 mia. kr.

Enn síggjast avleiðingarnar av koronafarsóttini ikki í samlaðu lønargjaldingunum. Í privatu tænastuvinnunum, serliga innan gistihús og matstovuvirki og innan handil og umvæling, kann óvanlig niðurgongd tó staðfestast fyri marsmánað.

Rættarmálini eru nógv og fjølbroytt, eini 2.000 sakarmál í Føroya Rætti í fjør, eini 2.400 mál í Fútarættinum og eini 550 í Skiftirættinum. Haraftrat eini 80 í Yvirfriðingarnevndini.

Í fjør vóru flestu sethúsini seld á bygd og minni enn ein triðingur í høvuðsstaðnum. Men miðalprísurin í høvuðsstaðnum var nógv meir enn tann dupulti av prísinum á bygd.

Framleiðslan í landbúnaðarvinnuni hevur verið støðug síðstu tíggju árini. Í 2010 var mjólkarframleiðslan 7,1 mió. litrar frá 919 mjólkkúm. Í 2019 var hon 7,4 mió. litrar frá 1.116 mjólkkúm. Framleiðslan av neytakjøti var 49 tons frá 172 neytum í 2010. Í 2019 var framleiðslan 50 tons frá 193 neytum.

12 grindir løgdu beinini í fjør, samanborið við 10 í 2018. Gongdin síðstu nógvu árini er tann, at talið av grindum minkar spakuliga og at grindirnar vera smærri. Kortini góvu grindirnar í fjør eini 200 tons av tvøsti og 180 tons av spiki.

Tølini fyri útflutningin til og við januar mánað eru nú gjørd upp. Tey vísa at 12-mánaðarskeiði feb19-jan20 útfluttu vit fyri fyri 9,8 mia. kr. samanborið við sama tíðarskeið frammanundan er talan um vøkstur á 1,4 mia. kr. ella 17%

Í februar vóru góðar 890 milliónir útgoldnar í lønum. Tað eru knappar 55 milliónir meira í mun til sama mánað í fjør.

Tann 1. februar í ár var fólkatalið 52.199 og vaks sostatt við 835 fólkum í 12-mánaðar skeiðinum 1. feb. 2019 – 1. feb. 2020. Tað svarar til ein vøkstur á 1,6%. Hetta kemur av einum burðaravlopið á 273, ið gevur ein triðing av fólkavøkstrinum, og eini nettotilflyting á 562, ið gevur tveir triðingar av fólkavøkstrinum.

Av teim stívliga 37.100 fólkunum í Føroyum í aldrinum 15 til 74 ár eru eini 31.700 í arbeiðsfjøldini, tað vil siga eru vinnuliga virkin. Uttan fyri vinnu eru út við 5.500.

Í 2019 innfluttu vit fyri 8,1 mia. kr. av vørum. Hetta er tað mesta, sum er innflutt eitt ár, og fyrstu ferð at árligi innflutningurin er oman fyri 8 mia. kr. Samanborið við 2018 er vøksturin 400 mió. kr. ella 5%.

Tann 1. januar í ár var fólkatalið 52.124 og vaks sostatt við 822 fólkum í árinum 2019. Tað svarar til ein vøkstur á 1,6%. Hetta kemur av einum burðaravlopið á 272, ið svarar til ein triðing av fólkavøkstrinum, og eini nettotilflyting á 550, ið svarar til tveir triðingar av fólkavøkstrinum.

Tølini frá konjunkturkanningini fyri januar eru nú tøk í hagtalsgrunninum. Treystitalið hesaferð er væl hægri enn talið seinastu 5 kanningarnar.

Nýggja uppgerðin av av rakstrarviðskiftum gjaldsjavnans vísir metstórt avlop árini 2016 og 2017. Stór avlop hava verið á rakstrarviðskiftum gjaldsjavnans síðani 2013.

Í fjør varð væl minni avreitt av toski fiskaður í føroyskum øki í mun til 2019. Nøgdin fall úr góðum 20 túsund tonsum í 2019 niður í góð 9 túsund tons í fjør, sum er meira enn ein helvtar minking – 53,5%.

12-mánaðarskeiði des. '18-nov. '19 útfluttu vit fyri fyri 9,4 mia. kr. Samanborið við árið frammanundan er talan um vøkstur á 1,5 mia. kr.

Brúkaraprístalið er gjørt upp fyri 4. ársfjórðing 2019, og sostatt kann miðal vøksturin í brúkaraprísum fyri 2019 samanberast við 2018. Frá 2018 til 2019 hækkaði brúkaraprístalið í miðal 1,3 prosent.

Í oktober vóru góðir 27.900 løntakarar í Føroyum. Tað eru næstan 850 fleiri í mun til sama mánað í fjør.

Umsetningurin í virði og umroknað til mongdir fyri smásølu er gjørdur upp fyri triðja ársfjórðing 2019 í trimum yvirskipaðum vørubólkum.

Uppgerðin av avreiðingunum fyri ellivu mánaðir í 2019 er til taks í hagtalsgrunninum. Har eru meira útgreinaðir upplýsingar, bæði á fiskaslag, nýttan reiðskap og keyparabólkar.

Eftir minkingina í heyst, tá nógv ungfólk fara av landinum í lestrarørindum, er fólkatalið nú komið uppaftur á 52-túsund.

Vit skulu aftur til juni í 2008, tá arbeiðsloysið seinast var so lágt sum nú. Tá var arbeiðsloysið 1,1%.

Uppgerðin av avreiðingunum januar til oktober 2019 er nú tøk í hagtalsgrunninum. Har eru meira útgreinaðir upplýsingar, bæði á fiskaslag, nýttan reiðskap og keyparabólkar.

Innflutningurin vaks hálva mia. kr seinasta árið (okt. 18-sep.19), samanborið við undanfarna ár.