Kommunufyrisiting og tænasta fevnir um alt kommunalt virksemi, t.e. kommunal fyrisiting og kommunalir tænastustovnar av ymsum slag, millum annað til børn og eldri.

Kommunufyrisiting og tænasta er undirgeiri í geiranum Almenn fyrisiting og tænasta. Hinir undirgeirarnir eru:

• Landsfyrisitig og tænasta
• Ríkisfyrisiting og tænasta
• Sosialir trygdargrunnar

Orðalýsingar

• Fíggjarkravið, netto, verður eisini nevnt fíggjarliga uppsparingin. Negativt fíggjarkrav, netto, fyri eitt tíðarskeið merkir, at tøka inntøkan er ov lítil til at gjalda nýtslu og íløgur í tíðarskeiðinum. Tá ið einihvørji viðskifti altíð eru fíggjað, er negativt fíggjarkrav tað sama sum lántøka.
• Bruttotjóðarúrtøkan, ið er gjørd upp í marknaðarprísum, er mát fyri virðisskapanina samanlagt í einum tíðarskeiði.
• Bruttoíløgur fevna um fastar bruttoíløgur í støðisogn, broytingar í goymslu og útvegan av virðislutum, netto.