Nýskapan (en: innovation) er tá fyritøkur bjóða nýggjar ella munandi betraðar vørur ella tænastur, taka nýggjar ella munandi betraðar arbeiðsgongdir í nýtslu, umframt fremja ella keypa gransking og menning. 

Sí eisini Gransking og menning

Hagtølini fevna um fyritøkur skrásettar í Føroyum við 10 ella fleiri starvsfólkum, sum allar móttaka spurnakanningina annaðhvørt ár.

Fyritøkur ið liggja í høvuðsvinnugrein A, I og N eru ikki egnaðar til altjóða samanberingar, og eru tí hesar vinnugreinanar eyðmerktar í grafinum og hagtalstalvunum.

Í hagtalsgrunninum hjá Eurostat eru altjóða hagtøl, har gongdin innan nýskapan hjá øðrum londum kann lesast.
 

Orðalýsingar:

• Fyritøkur, sum nýskapa (en: innovation active enterprises) eru fyritøkur sum í tíðarskeiðinum hava bjóða eina nýggja vøru ella tænastu, hava liðugtment ella slept nýskapanarvirksemi, hava ment nýggjar arbeiðsgongdir, eru í gongd við at menna nýggjar arbeiðsgongdir ella hava framt ella keypt gransking og menning.
   
• Vørunýskapan (en: product innovation) sipar til nýggja ella betraða vøru ella tænastu. Hon skal vera munandi øðrvísi enn vørur ella tænastur, fyritøkan áður hava veitt. Vøran ella tænastan skal eisini vera komin á marknaðin.
   
• Nýskapan av arbeiðsgongdum (en: business process innovation) eru nýggjar ella betraðar arbeiðsgongdir, mannagongdir og framleiðsluhættir í fyritøkuni. Tær skulu vera munandi øðrvísi enn tær arbeiðsgongdir, sum fyritøkan hevði frammanundan.
   
• Høvuðsvinnugrein (NACE 2008) er hagtalsliga vinnugreinabólkingin í ES. Hendan talvan nýtur NACE Rev. 2. Sambært Oslo-handbókini eru vinnugreinarnar A, I og N ikki egnaðar til altjóða samanberingar.
   
• Útreiðslur fevna um rakstrarútreiðslur, so sum lønarútreiðslur, og fastar útreiðslur til bygningar, maskinur, útgerð, ritbúnaður o.a.
   
• Hagtalshópur er samlaða talið av fyritøkum, sum eru fevndar av kanningini.
   
• Aðrar fyritøkur eru aðrar privatar fyritøkur
   
• Aðrir stovnar eru t.d. Fróðskaparsetrið, almennir granskingarstovnar, aðrir almennir stovnar, almannagagnligur stovnar.
   
• Almennur stuðul fevnir um fyritøkur, sum hava fingið stuðul frá einhvørjum almennum stuðulsveitara. Stuðulin er síðani býttur í tveir bólkar í mun til hvør stuðulsveitarin er:  Landið og Annar almennur stuðul. Annars almennur stuðul fevnir um stuðul frá kommunum, donskum stuðulsveitarum, norðurlendskum stuðulsveitarum, Horizon Europe og øðrum stuðulsveitarum í ES. Almenni stuðulin kann verða brúktur til eitthvørt endamál ella serliga til gransking, menning og nýskapan.