• Uppgerðin um arbeiðsloysi hjá Hagstovu Føroya fevnir um arbeiðsleys í aldrinum 16-66 ár skrásett hjá Arbeiðsloysisskipanini og Almannaverkinum.
• Bústaðarøki er øki, har starvsfólkið býr.

Orðalýsingar

• Arbeiðsleys eru persónar, sum ikki hava nakað arbeiði, eru fult tøkir á arbeiðsmarknaðinum og eru virkin arbeiðssøkjandi.
• Rakt av arbeiðsloysi er talið á øllum persónum, sum hava verið arbeiðsleysir ein dag ella fleiri í mánaðinum.
• Fulltíðararbeiðsloysi er talið av teimum, sum eru rakt av arbeiðsloysi, umroknað til fulltíðararbeiðsloysi. Til dømis telja tveir persónar, sum hava verið arbeiðsleysir í ein hálvan mánað hvør, sum ein fulltíðararbeiðsleysur persónur. 
• Arbeiðsloysi ella arbeiðsloysisprosent er fulltíðararbeiðsloysið í % av arbeiðsmegini.
• Arbeiðsmegi telur partin av fólkinum, ið veita ella kunna veita arbeiðsmegi í aldursbólkinum. Tvs. bæði arbeiðsvirkin og arbeiðsleys. HEtta verður nýtt at rokna arbeiðsloysisprosentið. 
• Árstíðarjavnað tøl eru reinsað fyri árstíðarfrávik, sum t.d. afturvendandi broytingar í virksemi millum árstíðirnar.
• Trendurin lýsir rákið í arbeiðsloysinum við at reinsa fyri árstíðarfrávik og aðrar tilvildarligar broytingar í arbeiðsloysinum.

Sí eisini Arbeiðsloysi.

Skulu altjóða samanberingar gerast, er tað arbeiðsloysið frá kanningini av arbeiðsmegi, sum skal brúkast. Sí Arbeiðsmegi, kanning.