Útflutningur av vørum
 20. aug 2026
Útflutningurin til Kina er vaksin yvir 430 milliónir krónur

Samlað varð útflutt fyri knappar 14,3 milliardir krónur í uppgerðarárinum frá juli 2025 til juni 2026. Tað eru 1,4 milliardir krónur meira enn undanfarna skeið.

Fiskavøruútflutningurin er vaksin góðar 1,4 milliardir krónur, ella 11,8 prosent. Útflutningsvirðið av flestu fiskasløgunum er vaksin, meðan útflutningsvirðið á fóðri og fiskamjøli er minkað.

Útflutningsvirðið á laksi vaks nærum 700 milliónir krónur í uppgerðarskeiðnum. Tað er ein vøkstur á 11,9 prosent í útflutningsvirðinum hetta seinasta 12-mánaðaskeiðið, meðan nøgdin vaks næstan 22 túsund tons, ella 22 prosent.

Útflutningsvirðið á toski er vaksið knappar 290 milliónir krónur, ella 22,9 prosent. Útflutta nøgdin er vaksin við 3,4 prosentum.

 

[px-graph-1]

 

[px-graph-2]

 

Útflutningurin av fiskavørum skiftur á landaøki

Størsti vøksturin í útflutningi av fiskavørum er til ES, "Asia annars", "Afrika annars" og til Miðeysturs. Størsti vøksturin til asiatiska marknaðin er til Kina, ið stendur fyri góðum 432 milliónum krónum av vøkstrinum. Í Miðeystri stendur laksur til Ísraels fyri nærum 87 milliónum krónum av vøkstrinum. Útflutningurin til ES er vaksin við nærum 1,2 milliardum krónum. Harav er útflutningurin til Spania vaksin við 292 milliónum krónum, og til Fraklands við 241 milliónum krónum. Útflutningurin til "Evropa annars" er minkaður góðar 400 milliónir krónur. Av hesum er útflutningurin til Russlands minkaður við 244 milliónum krónum.

[px-graph-4]

Sjey lond keypa fiskavørur fyri yvir eina milliard krónur um árið úr Føroyum. Hesi eru USA, Spania, Kina, Danmark, Bretland, Niðurlond og Russland. Útflutningurin til Kina vaks nógv fram til endan av 2019, men minkaði síðani nógv í byrjanini av 2020. Síðani tá, er mánaðarligi útflutningurin til Kina fleirfaldaður frá umleið 20 milliónum krónum um mánaðin til nú at liggja millum 100 og 150 milliónir krónur um mánaðin. Mánaðarligi útflutningurin til Spania er vaksin úr umleið 20 milliónum krónum í 2018, til nú at vera góðar 100 milliónir krónur í miðal um mánaðin. Somuleiðis er útflutningurin til Niðurlond meira enn trífaldaður síðani 2021, og nærkast nú 90 milliónum krónum mánaðarliga.   

[px-graph-5]

Vís fleiri grafar
Vís talvur (Hagtalsgrunnur)