Rakstur, fíggjarstøða og roknskaparlyklatøl hjá fyritøkum eru lýst við støði roknskaparhagtølum.

Í hagtalsgrunninum eru fyritøkur býttar í vinnugreinabólkar eftir sama slag framleiðsluvirksemi. Føroyska vinnugreinabólkingin er grundað á altjóða NACE-vinnugreinaflokkingina, tó við ávísum tillagingum soleiðis at til dømis alivinnan, ið er lutfalsliga stór vinna í Føroyum, kann eyðmerkjast fyri seg.

Hagtølini fevna um allar fyritøkur, sum eru partur av geiranum ikki-fíggjarlig feløg, tó undantikið fyritøkur undir almennum ræði, t.d. Apoteksverkið og Rúsdrekkasøla Landsins. Einstaklingsvirkir, sum eru partur av húsarhaldsgeiranum, fíggjarlig feløg og virksemi hjá oljufeløgum á føroyska landgrunninum eru heldur ikki við í hesum hagtølunum

Fyri at geva eina neyvari mynd av virkseminum í einstøku vinnugreinabólkunum og fyri ikki at gera dupultteljingar er úrslit av kapitalpørtum, t.e. dótturfeløg og atknýtt feløg, ikki tikið við í rakstrarúrslitið hjá fyritøkunum.

Yvirskipað lýsir fíggjarstøðan ogn og skuld. Ognin verður bólkað í hesar undirbólkar:

• Støðisogn
  • Immateriell støðisogn
  • Materiell støðisogn
  • Fíggjarlig støðisogn
• Ogn í umferð
  • Vørugoymsla
  • Áogn
  • Tøkur peningur

Skuldin verður bólkað í hesar undirbólkar:

• Eginogn
  • Partapeningur
  • Grunnar
  • Fluttur vinningur
• Skuld
  • Avsetingar
  • Langfreistað skuld
  • Stuttfreistað skuld

Í hagtalsgrunninum eru ymsar talvur at finna við útgreinaðum tølum fyri rakstur, fíggjarstøðu og roknskaparlyklatøl.