Arbeiðsloysi
 05. jan 2021
Arbeiðsloysið 1,3% í oktober

Í oktober var arbeiðsloysið 1,3%, sum er nakað minni enn undanfarnu mánaðirnar. Síðani koronufarsóttin rakti í mars hevur arbeiðsloysið verið uppi á 1,9%.

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.

Arbeiðsloysið var 1,3% í oktober. Tað svarar til 393 fulltíðararbeiðsleys. Arbeiðsloysið var til samanberingar 0,9% sama mánað í fjør.

[px-graph-1]

Í oktober var arbeiðsloysið 1,2% hjá monnum og 1,5% hjá kvinnum. Sama mánað í 2019 var tað 0,8% hjá monnum og 0,9% hjá kvinnum.

[px-graph-2]

Landakortið vísir arbeiðsloysið eftir øki. Í oktober var arbeiðsloysi hægst í Vágum við 2,1% og lægst í Norðoyggjum við 0,7%.

[px-graph-3]

Myndin niðanfyri vísir, hvussu leingi fólk hava verið arbeiðsleys. Í oktober vóru 12,5% langtíðararbeiðsleys, tað vil siga tey høvdu verið arbeiðeiðsleys í meira enn 1 ár. Sama mánað í fjør vóru 15,9% langtíðararbeiðsleys.

[px-graph-4]

Hví eru arbeiðsloysistølini tveir mánaðir afturút?

Orsøkin til, at arbeiðisloysistølini eru umleið tveir mánaðir afturút, er, at fleiri seinkaðar skrásetingar um tey arbeiðsleysu verða gjørdar, eftir at uppgjørdi mánaðurin er liðugur. Fyri fáa tær flestu rættingarnar við verður bíðað góðar tveir mánaðir, so at uppgerðin verður so rættvísandi sum gjørligt.

Stutt um arbeiðsloysi

Arbeiðsleys eru uttan nakað arbeiði, eru fult tøk fyri arbeiðsmarknaðin og eru virkin arbeiðssøkjandi.

Arbeiðsleys eru persónar millum 16-66 ár, sum eru skrásettir sum arbeiðsleysir hjá ALS og Almannaverkinum eftir treytunum omanfyri.

Tvey mát verða brúkt at gera arbeiðsloysið upp: fulltíðararbeiðsloysi og rakt av arbeiðsloysi:

Rakt av arbeiðsloysi: Tal á persónum, sum hava verið arbeiðsleysir 1 dag ella fleiri í mánaðinum.

Fulltíðararbeiðsloysi: Av tí at øll ikki eru arbeiðsleys allar dagar í einum mánaði, verða øll, sum eru rakt av arbeiðsloysi, umroknað til fulltíðararbeiðsleys.

Arbeiðsloysisprosent: Fulltíðararbeiðsloysið í mun til støddina á arbeiðsfjøldini.

Stutt um trendin

Gongdin er lýst við trendinum, ið vísir rákið í arbeiðsloysinum við at reinsa fyri árstíðarfrávik og aðrar tilvildarligar broytingar í arbeiðsloysinum.

Vís fleiri grafar
Vís talvur (Hagtalsgrunnur)