Løgreglumál
 20. apr 2023
Færri fongslað, men fleiri fongsulsdagar og fleiri rúsevnismál

Hesi síðstu tvey áratíggjuni eru færri fongslað og varðhaldsfongslað, men talið av fongsulsdøgum er ikki minkað samsvarandi. Fráboðað brot á rúsevnislógina eru blivin fleiri.

Fýra tey fyrstu árini eftir aldarskiftið vaks talið av fongslaðum og varðhaldsfongslaðum úr 100 upp í umleið 150 árliga, men er síðani minkað støðugt og var komið niður í 57 í 2022. Tó sæst, at talið av fongsulsdøgum ikki er minkað samsvarandi ,og serliga hesi síðstu fýra árini vísir gongdin ein uppgangandi trend mótvegis tali av fongslaðum persónum. Í 2016 var talið av fongsulsdøgum stívliga 3.000, men í 2022 varð talið komið upp um 4.600. 

[px-graph-2]

Fyri 21-22 árum síðani vórðu fráboðað 55 brot á rúsevnislógina. Síðani er hetta talið vaksið munandi, serliga síðani 2012, og var umleið 120-130 fýra tey síðstu árini.

[px-graph-3]

Fráboðað brot á arbeiðsverndarlógina vísa eina misjavna gongd. Tey vóru 36 bæði í 2001 og 2002, men fækka niður í færri enn 10 í miðal árini 2004-2012, fyri síðani aftur at hækka nakað tey síðstu árini til 24 í 2022. 

[px-graph-3]

Brotini á vápnalógina vóru minkandi heilt fram til bert eitt í 2010, men eru síðani vaksin sera nógv heilt upp í 47 í 2021 fyri síðani at minka aftur niður í 22 í 2022.

[px-graph-4]

Vís fleiri grafar
Vís talvur (Hagtalsgrunnur)