Gistingar

25. nov 2022
Færri gistingar á gistingarhúsunum í oktober enn í fjør

Gistinæturnar vóru knappar 1.200 færri í oktober samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum.

[px-graph-1]

Flestu gistingarnar eru í Tórshavnarøkinum. Í oktober vóru 93% av gistingunum í Tórshavnarøkinum. Tað er á leið sama býti sum í oktober í fjør.

[px-graph-2]

Tá koronufarsóttin herjaði, vóru ferðafólkini færri, og føroyingar høvdu størstapartin av gistináttunum á gistingarhúsunum í hesum tíðarskeiðnum. 

Í oktober áttu danir 40% av gistináttunum, og útlendsk ferðafólk úr øðrum londum enn Danmark áttu 33%. Føroyingar áttu 27% av gistináttunum.

Hetta er sama býti sum í oktober í fjør. 

[px-graph-3]

Fleiri innskrivingar

Innskrivingarnar vóru stívliga 6.700 í oktober. Tað er 3% fleiri enn í oktober í fjør. Innskrivingarnar vísa talið av ferðafólkum á gistingarhúsunum, sama hvussu leingi tey gista.

[px-graph-4]

Færri kømur brúkt

Nýtslustigið vísir, hvussu stórur partur av tøku kømrunum verður brúktur. 39% av kømrunum vóru brúkt í oktober. Tað er nakað minni enn í oktober í fjør, tá nærum helvtin av kømrunum vóru brúkt.

[px-graph-5]

35% fleiri gistingar og innskrivingar higartil í ár

Verður hugt at tølunum higartil í ár, sæst at gistingarnar eru 35% fleiri og innskrivingarnar eru 34% fleiri í mun til sama tíðarskeið í fjør.

[px-graph-6]