Fosturtøkur
 09. sep 2022
Fosturtøkurnar nakað fleiri og eru nú sum fyri 10 árum síðani

Í 2021 vórðu 32 fosturtøkur framdar í Føroyum. Hetta er nakað hægri enn seinastu 8 árini, har miðaltalið hevur verið um 25 árliga. Nú er tað á leið tað sama sum fyri eini 10 árum síðani. Tað er tó framvegis nógv lægri enn øll árini frá 1980-unum og fram til 2004. Og framvegis nógv lægst í Norðurlondum.

Av tí at tølini eru smá, kunnu sveiggini vera stór frá einum ári til annað. Tó er gongdin greið, har tølini sum heild hava verið minkandi, eisini tá talið av fosturtøkum verður roknað í mun til talið av livandi føddum.

Seinnu helvt at 90-unum vóru fosturtøkurnar í miðal 50. Eftir aldarskiftið vóru tær um 40-45. Í fyrru helvt av 10’unum vóru tær um 30 og síðan 2015 hava tær verið um 25. Nú er talið av kvinnum í burðarførum aldri nógv broytt hesi árini, eins og føðitalið. Men eisini tá vit rokna í mun til føðitalið, er gongdin tann sama, eins og myndin niðanfyri vísir.

[px-graph-1]

Vøkstur í aldursbólkinum 25-29 ár

Samanbera vit aldursbýtið í fosturtøkutíttleikanum – roknaður eftir talinum av kvinnum í hvørjum aldursbólki – so er mynstrið broytt nakað, soleiðis at tað nú er lægst millum yngstu kvinnurnar, síðan veksur til tað mesta í aldursbólkinum 25-29, og síðani minkar støðugt í teim eldru aldursbólkunum.

Aldur

Í Norðurlondum er nógv lægsti fosturtøkutíttleikin í Føroyum

Samanbera vit við hini Norðurlondini, er nógv lægsti títtleikin, roknaður fyri talið av fosturtøkum í mun til talið av livandi føddum, í Føroyum. Her er títtleikin um 50 fyri hvørji 1.000 livandi fødd, samanborið við 200-300 í hinum Norðurlondunum. Undantikið í Grønlandi, ið er í serstøðu.

N-lond

Vís fleiri grafar
Vís talvur (Hagtalsgrunnur)