Gistingar

23. aug 2023
Gistinæturnar í juli settu met - juni hildnaðist tó betur enn juli

Gistinæturnar vóru stívliga 36.100 í juli. Tað eru gott 1.000 fleiri samanborið við sama mánað í 2022, sum svarar til ein vøkstur upp á trý prosent.

Gistinætur telja, hvussu nógvir og hvussu leingi persónar gista á gistingarhúsum.

[px-graph-1]

Flestu gistingarnar eru í Tórshavnarøkinum. Í juli vóru 87 prosent av gistingunum í Tórshavnarøkinum. Tað er eitt prosent lægri enn sama mánað í fjør. Fyri fyrstu ferð vóru gistinæturnar í Tórshavnarøkinum færri í juli samanborið við juni.

[px-graph-2]

Í samlaða býtinum áttu gestir úr øðrum londum enn Føroyum og Danmark helvtina av gistináttunum í juli. Teirra partur er nú 5 prosentstig størri enn sama mánað í 2022. Parturin hjá ferðafólki úr Danmark eru nú 6 prosentstig minni. Vøksturin hjá føroyingum er 1 prosentstig.

[px-graph-7]

[px-graph-3]

Innskrivingarnar fleiri í juli

Innskrivingarnar vísa talið av ferðafólkum á gistingarhúsunum, sama hvussu leingi tey gista.

Innskrivingarnar vóru knapt 1.600 fleiri í juli í mun til í fjør. Tað svarar til ein vøkstur upp á 11 prosent. Innskrivingarnar hjá føroyingum vóru nærum óbroyttar, meðan gestir úr øðrum londum áttu meira enn tveir triðingar av vøkstrinum. 

[px-graph-8]

[px-graph-4]

Fleiri kømur upptikin í juli

Nýtslustigið vísir, hvussu stórur partur av tøku kømrunum verður brúktur. 80 prosent av kømrunum vóru brúkt í juli. Í juni vóru heili 97 prosent av kømrunum upptikin. Tað er ávikavist 3 og 16 prosentstig hægri enn í 2022. 

[px-graph-5]

Stívliga fimm prosent fleiri gistinætur higartil í ár

Samlaðu tølini fyri januar til og við juli vísa, at gistinæturnar eru fimm prosent fleiri enn sama tíðarskeið í 2022. Innskrivingunum eru 16% fleiri enn í fjør.

[px-graph-6]