Gistingar

29. jun 2022
Gistingarnar nærum trífaldaðust í mai í mun til í fjør

Gistinæturnar vóru góðar 19.100 fleiri í tali í mai í ár samanborið við sama mánað í 2021. Gistinætur telja, hvussu nógvir og hvussu leingi persónar gista á gistingarhúsum.

Talið av gistingum í mai var nærum á sama stigi sum í juli í fjør, sum er besti mánaður nakrantíð.

[px-graph-1]

Flestu gistingarnar eru í Tórshavnarøkinum. Í mai vóru sløk 90% av gistingunum á gistingarhúsum í Tórshavnarøkinum.

[px-graph-2]

Tá koronufarsóttin herjaði, hava færri ferðast, og tí áttu føroyingar størstapartin av gistináttunum á gistingarhúsunum í hesum tíðarskeiðnum. Nú eru fólk farin at ferðast aftur, og tað sæst aftur við, at føroyingar áttu bert 12% av av gistináttunum í mai í 2022 samanborið við góð 50% sama mánað í fjør.

Nú eiga danir 46% av gistináttunum, og talið av gistináttum hjá fólkum úr øðrum londum enn Danmark og Føroyum er komið upp á 42% samanborið við mai í fjør.

[px-graph-3]

Innskrivingar

Talið av innskrivingum vóru góðar 10.400 í mai. Tað er ein tvífalding í mun til mai í fjør. Innskrivingarnar vísa talið av ferðafólkum á gistingarhúsunum, sama hvussu leingi tey gista.

Tað eru næstan 3.000 fleiri enn í mai í 2019, sum var besti mai-mánaður nakrantíð.

[px-graph-4]

Nýtslustig

Nýtslustigið vísir, hvussu stórur partur av tøku kømrunum verður brúktur. Sløk 80% av kømrunum vórðu brúkt í mai, samanborið við 31% í mai í fjør.

[px-graph-5]