Gistingar

06. jan 2023
Lakari heyst hjá gistingarhúsunum

Gistinæturnar vóru stívliga 2.300 færri í november 2022 samanborið við sama mánað í 2021. Færri gistu eisini í september og oktober enn somu mánaðir í 2021. Heystið hevur tí verið nakað lakari hjá gistingarhúsunum í 2022 enn í 2021.

Gistinætur telja, hvussu nógvir og hvussu leingi persónar gista á gistingarhúsum.

[px-graph-1]

Flestu gistingarnar eru í Tórshavnarøkinum. Í november vóru 93% av gistingunum í Tórshavnarøkinum. Tað er sama býti, sum í november í 2021.

[px-graph-2]

Í november áttu føroyingar 44% av gistináttunum. Tað er 6 prosentstig hægri enn í november í 2021. Ferðafólk úr Danmark, og útlendsk ferðafólk úr øðrum londum enn Danmark áttu ávikavist 30 og 26%.

[px-graph-3]

Færri innskrivingar

Innskrivingarnar vóru knapt 4.100 í november. Tað er 10% færri enn í november í 2021. Innskrivingarnar vísa talið av ferðafólkum á gistingarhúsunum, sama hvussu leingi tey gista.

[px-graph-4]

Færri kømur brúkt

Nýtslustigið vísir, hvussu stórur partur av tøku kømrunum verður brúktur. 28% av kømrunum vóru brúkt í november. Tað er væl minni enn í november í 2021. Tá vóru 35% av kømrunum brúkt.

[px-graph-5]

Góð 30% fleiri gistingar og innskrivingar higartil í ár

Verður hugt at samlaðu tølunum fyri januar og við november í 2022, sæst at gistingarnar og innskrivingarnar eru um góð 30% fleiri í mun til sama tíðarskeið í 2021. Hetta hóast bæði september, oktober og november hava verði lakari enn í 2021.

[px-graph-6]