Útflutningur av vørum
 18. sep 2024
Útflutningurin av fiskavørum minkaður 292 milliónir krónur

Fyrstu sjey mánaðirnar í 2024 hava vit útflutt fiskavørur fyri 6,3 milliardir krónur. Tað eru 292,4 milliónir krónur minni enn fyrstu sjey mánaðirnar í 2023.

Útflutningurin fyri juli 2024 er nú gjørdur upp, og í talvunum niðanfyri ber til at síggja útflutningin sjey teir fyrstu mánaðirnar í 2024 samanborið við sjey teir fyrstu mánaðirnar í 2023.

Minkingin í bólkinum "Ikki fiskur" stavar fyri tað mesta frá minni útflutningi av brennievni og skipum. 

Útflutningurin av laksi er vaksin 467,8 milliónir krónur. Virðið er vaksið við 16,5 prosentum og nøgdin er vaksin við 27 prosentum.

Aðrar vørur sum toga útflutningin uppeftir eru toskur og fóður. Toskaútflutningurin er vaksin 138,1 millión krónur, ella 23,8 prosent.

 

[px-graph-1]

 

[px-graph-2]

Niðanfyri sæst útflutningsprísurin í krónum fyri kilo av frystum flaki. Prísirnir á hýsu og toski fylgjast, og sær út sum prísirnir hava hug at kvinka uppeftur. Hinvegin er prísurin á frystum upsaflaki naka lægri nú enn fyri tveimum árum síðani. Laksaprísurin hevur ligið á sama støði seinasta hálvtannað árið.

[px-graph-3] 

Uppsetanin av talvunum fyri innflutning og útflutning er broytt. Eitt nú kann bæði inn- og útflutningur veljast í øllum talvum. Somuleiðis kann bæði virði og nøgd veljast í øllum talvum. 

Nýggja SITC talvan (UH01026) minnir um gomlu talvurnar (UH01020 og UH01021). Annars eru hesar broytingar:

  • Farið verður frá 4. útgávu av BEC til 5. útgávu.
  • Fyri fiskavørur brúka vit ISSCFC flokkingina hjá FAO.
  • Fiskasløgini fylgja flokkingini MCS (Main Commercial Species) hjá The European Market Observatory for fisheries and aquaculture products (EUMOFA), sum ES nevndin hevur sett á stovn. Harumframt ber í hesi talvu til at síggja, hvussu fiskurin er viðgjørdur og hagreiddur.

Í ISSCFC eru nógvar vørur og tískil ber til at leita tær vørur fram, brúk er fyri. Leitast kann eftir kotum og teksti.

Í løtuni er alt ikki umsett til føroyskt. Haldið okkum til góðar. Í ISSCFC talvuni ber til at leita á enskum. Ætlanin er, at alt við tíðini verður umsett til føroyskt.

Vís fleiri grafar
Vís talvur (Hagtalsgrunnur)