Heildarfiskiveiðan er øll veiða hjá føroyskum skipum, fiskað á øllum leiðum.

Tølini til heildarveiðuna koma úr ymsum skipanum, sum Vørn ger upp. Hagtøl um heildarveiðuna, sum eru tøk út ímóti sumri árið eftir, eru gjørd upp sum livandi vekt ella rund vekt, sum tað eisini verður kallað.

Orðalýsingar og viðmerkingar:

• Heildarveiða: Havast skal í huga, at heildarveiðan verður gjørd upp eftir ICES-økjum. Føroyskt sjóøki er eisini í ICES-IIa, -Iva og -Va. Harafturat verður nakað av veiðuni á Hatton Banka og í altjóða sjógvi í Irmingarhavinum roknað sum veidd í føroyskum øki.
• Tons ósløgd merkir at tað er livandi vektin á fiskinum, áðrenn nakra tilvirkan.