Húski
 22. aug 2024
19.440 húski í Føroyum ― 0,8 prosent fleiri enn við ársskiftið

Í fjórða hvørjum húski býr eitt fólk

Fyrsta juli vóru 19.440 húski í Føroyum. Tað er 152 fleiri enn við ársbyrjan. Í sama tíðarskeiði er fólkatalið vaksið við 355 fólkum.

[px-graph-1]

Í fjórða hvørjum húski býr eitt fólk. Hetta er størsti húskisbólkur. Næststørsti húskisbólkur, sum er nærum líka stórur sum tey støku, er bólkurin tvey vaksin uttan børn. Fyrsta juli vóru tey 4.828 í tali, sum svarar til lítlan fjórðing av øllum húskjunum. Hesir báðir húskisbólkar eru sostatt yvir helvtina av øllum húskjum. Í tveimum triðingum av húskjunum búgva eingi børn.

[px-graph-2]

Lutfalsliga er tað húskisbólkurin við einum vaksnum, sum er vaksin mest seinastu árini við einum vøkstri á 27 prosentum. 

[px-graph-3]

Stutt um húskini 

Húski eru persónar sum hava sama skrásettan bústað í landsfólkaskránni. Húskini verða gjørd upp fyrst í mánaðinum. Talan er um fulla populatión. Talið á persónum í húskjunum er tað sama, sum fólkatalið í Føroyum. Vaksin eru persónar 18 ár og eldri.

Vís fleiri grafar
Vís talvur (Hagtalsgrunnur)