Smásøluvísitøl

30. jun 2021
Smásølan fyrstu mánaðirnar í ár væl størri í mun til sama tíðarskeið í fjør

Umsetningurin í virði og umroknað til mongdir fyri smásølu av trimum vørubólkum er gjørdur upp fyri 1. ársfjórðing í ár. Tølini eru býtt í vørubólkarnar 'matur og alkoholfríar drykkjuvørur', 'klædnavørur og fótbúnaður' og 'húsbúnaður og húsarhaldsútgerð'.

Fyri 'matvørur og alkoholfríar drykkjuvørur' var umsetningurin 6% hægri 1. ársfjórðing í ár í mun til sama tíðarskeið í fjør. Prísir á 'mati og alkoholfríum drykkjuvørum' eru hækkaðir 0,4% frá 1. ársjórðingi í fjør til 1. ársfjórðing í ár.

[px-graph-1]

Økta sølan samanborin við undanfarna ár heldur eisini fram fyri húsbúnað og húsarhaldsútgerð. Í 1. ársfjórðingi í ár var umsetningurin 21% hægri í mun til sama tíðarskeið í fjør. Prísir á 'húsbúnaði og húsarhaldsútgerð' eru hækkaðir 1% frá 1. ársfjórðingi í fjør til 1. ársfjórðing í ár.

[px-graph-2]

Størsti vøkstur var tó fyri 'klædnavørur og fótbúnað', har var umsetningurin heili 59% hægri 1. ársfjórðing í ár í mun til sama tíðarskeið í fjør. Sama tíðarskeið hækkaðu prísirnir 3%.

[px-graph-3]